Vísbendingar – Fjörugátan

Útskurðurinn minnir á áttavita. Hvert strik táknar eina átt. Staðsetning höfuðáttanna er útskýrð í sögunni. 

Höfuðáttirnar benda upp (norður), niður (suður), til hægri (austur) og til vinstri (vestur). Þegar áttin er auðkennd með tveimur bókstöfum þá er vísað í þau strik sem eru mitt á milli höfuðáttanna, og heiti þeirra fer eftir milli hvaða tveggja höfuðátta þau eru. 

Strikin sem eru mitt á milli höfuðáttanna heita: suð-vestur, suð-austur, norð-austur og norð-vestur. Þegar það eru þrír stafir í skammstöfuninni þýða seinni tveir hvaða strik mitt á milli höfuðáttanna er vísað í, og fremsti stafurinn segir þér nær hvorri höfuðáttinni þú átt að vera. Áttir sem eru skammstafaðar með fleiri en einum bókstaf kallast milliáttir. 

Hvaða skip er eins og á myndinni?

Með því að bera saman skipið á myndinni og skipin á listaverkinu er hægt að finna nafnið á skipinu. 

Lestu hverja vísbendingu nákvæmlega, hver vísbending ætti að gera þér kleift að útiloka einhverjar skúffur.

Með því að útiloka skúffur, ættir þú að eiga eina eftir sem er þá rétta skúffan.

Gefðu þér tíma, og merktu við skúffurnar sem þú útilokar. 

Skoðaðu kistilinn vel. 

Er eitthvað á kistlinum sem getur sagt okkur hvað eigandi hans heitir?

Það er skammstöfun á kistlinum. Hvaða maður á áhafnarlistanum á þessa skammstöfun?

Það þarf að lesa úr töflunni til að fá bókstafi. 

Tvö tákn mynda einn staf, eitt tákn lárétt og eitt lóðrétt. 

Skrifaðu lausnina í töfluna og þú ættir að vera með tölu. 

Origami er japönsk aðferð við að brjóta saman blað til að mynda fígúrur. Gættu þess að blaðið snúi rétt þegar þú hefst handa.

 Fylgdu leiðbeiningunum og þú færð fisk. 

Er fiskurinn tilbúinn? Þú ættir að geta séð tveggja stafa tölu.

Þú þarft að byrja á því að leysa krossgátuna.

Svörin í krossgátunni má finna í Handbókinni um hafið. 

Stafirnir í lituðu reitunum gefa þér stafina sem þú þarft að raða upp í rétta röð til að mynda tveggja stafa tölu. 

Þú þarft að fylla út í töfluna til að fá út tölurnar sem þú þarft að nota. 

Leggðu saman reitina sem eru öðruvísi á litinn. 

Þú ættir að standa eftir með tveggja stafa tölu.